लेैंगिक सचेतना अभिवृद्धि गर्ने क्रममा सहभागीमुलक प्रकृयाको दौरानमा जब सहभागीहरूले लेैंगिकताले कसरी प्रभावित गरेको छ भनी आफ्नो जीवनलाई नियाल्छन् तब उनीहरूले कैयन् खुलासा र उत्साहपूर्ण निजी अनुभवहरू बताउँछन् । ती कथनहरूले लेैंगिकता कसरी सामाजिक संरचनाको सिद्धान्तको रुपमा सञ्चालित हुन्छ र त्यसले व्यक्तिलाई कसरी प्रभाव पार्छ भनी स्पष्ट पार्दछन् । अधीनतालाई स्वीकार गर्नुको सट्टा केहीले आ-आफ्नै तरिकाले लेैंगिक असमानताको अवज्ञा गर्ने, केहीले भिन्न गर्न खोज्ने र जराबाटै परिवर्तन गर्ने कुरा रोज्छन् । यस्तै व्यक्तिगत अनुभवहरूको संगालो हो यो पुस्तिका – लेैंगिकता र म । यसमा बाँडिएका यी अनुभवहरूले लेैंगिकताबारे थाहा पाउने र आफैलाई जाँच्ने कार्यका साथैै छलफललाई सहजीकरण गर्न तथा परिवर्तनलाई प्रोत्साहन गर्न उपयोगी हुनेछ भनी हामी आशा गर्दछौं । लेैंगिक समानता महिला र पुरुष वीचको लडाई वा महिला मात्रैको निजी संघर्ष होइन । महिला र पुरुष दुवैका कथाव्यथाहरू सुनौं, उनीहरूका व्यक्तिगत दुख, संघर्ष र हर्षलाई महसूस गरौं । आखिर हामी दुई जन्म जातै भिन्न होइनौं । हामी दुवै मानवताका साझा हकदार हौं ।